പ്രിയമൊരു ജാതി,യിതെന് പ്രിയം ത്വദീയ-
പ്രിയ,മപരപ്രിയമെന്നനേകമായി
പ്രിയവിഷയം പ്രതി വന്നിടും ഭ്രമം,തന്
പ്രിയമപരപ്രിയമെന്നറിഞ്ഞിടേണം.
പ്രിയമപരന്റെയതെന് പ്രിയം,സ്വികീയ-
പ്രിയമപരപ്രിയമിപ്രകാരമാകും
നയ,മതിനാലെ നരന്നു നന്മ നല്കും
ക്രിയയപരപ്രിയഹേതുവായ് വരേണം.
അപരനു വേണ്ടിയഹര്ന്നിശം പ്രയത്നം
കൃപണത വിട്ടു കൃപാലു ചെയ്തിടുന്നു
കൃപണനധോമുഖനായ്ക്കിടന്നു ചെയ്യു-
ന്നപജയകര്മ്മമവന്നു വേണ്ടി മാത്രം.
അവനിവനെന്നറിയുന്നതൊക്കെയോര്ത്താ-
ലവനിയിലാദിമമായൊരാത്മ രൂപം,
അവനവനാത്മസുഖത്തിനാചരിക്കു-
ന്നവയപരന്നു സുഖത്തിനായ് വരേണം.
ഒരുവനു നല്ലതുമന്യനല്ലലും ചേര്-
പ്പൊരു തൊഴിലാത്മവിരോധിയോര്ത്തിടേണം,
പരനു പരം പരിതാപമേകിടുന്നോ-
രെരിനരകാബ്ധിയില് വീണെരിഞ്ഞിടുന്നു.
ആത്മോപദേശശതകം ൨൧-൨൫ നാരായണഗുരു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ